有趣打油詩 - 論英超
1月23日 星期日 04:36 Goal.com
現排榜首紅魔鬼,每逢作賽多人睇, 作客實力未見底,費sir確要諗諗計。
同市球隊兼死敵,曼城 今季好殺食,
無限金錢有財力,有錢大哂亂咁”fak”。
阿記今季算穩定,育成足球開始勁,
若想打破「無冠」命,誓要主場必勝令。
車仔開季好把炮,泰利 就如金鐘罩,
可惜自從炒助教,眾將缺態似「細哨」。
熱刺 歐聯 奇遇記,目標聯賽拎頭四,
巴里跑極唔斷氣,對軍守佢實腳痺。
紅軍今季發神經,新帥杜sir要think think,
對中冗員再唔清,利迷睇親都心驚。
紐記一季即升班,球迷一定開心番,
陣中主力又夠young,保住中游好簡單。
維拉現排十七名,縱有球星如唐寧,
仍然輸到唔曉停,實在覺得好慘情。
無論你有幾低form,或者大學住緊dorm,
唔理peter抑或tom,多些上來GOAL.COM。
By: Coody Yuen
(Goal.com)
首詩好正,睇到就想po出來大家睇
轉帖的 |