本帖最後由 甲記 於 31-3-2009 21:21 編輯
你地既回復就係我既力量thx!
第2回,星期6
星期6個日,我返12點個女仔返11點半,返到去見到個女仔,大家打左個招呼
坐低就開始工作,個女仔拎左包小食咁既野,問我食唔食,
事關我仲係咳到肺都爆個隻,婉拒左,但心入面諗
竟然有女仔係主動請我呢個宅男食野,太好了,
我知道個女仔都係老例問一問,但都好開心
個女仔表現明顯比第一日返工好左好多,放lunch時間,個女仔起身,我問佢去邊?佢話食lunch,
個一刻我都好肚餓,所以就叫個女仔一齊去食,人生第一次同一個女仔單獨同台食lunch
個日仲好記得,我叫左碗足,佢叫左餃子,
個女仔都係老例咁問我食唔食,我都婉拒,真係咳得好勁
我同佢講,你今日表現好左好多,個女仔話星期6易做ma,之後都係讚美說話,話佢做得好
後尾傾傾下,就知道左,個女仔大我2年多,我18,個女仔就21
以家仲考緊學士,諗到呢到,覺得自己同佢差太遠,我一d都唔介意年齡
只不個樣貌同學識差太遠,加上我覺得一個咁靚既女仔無理由無男朋友
諗到以上種種,我又不自覺自卑起上黎[[onion_77]]
係個刻我知道,我同佢係埋一齊既機會好低好低
但係我決定左,直到有一天,要將我所想,所感受的話比佢知,
個日一齊食lunch之外,仲一齊放工,搭mtr,哈,一日竟然經歷左三次,人生既第一次
p.s.第一次有女仔請食野,第一次同女仔單獨同台食lunch,第一次同女仔放工
待~~~ |