|
|
本帖最後由 smallken1234 於 26-8-2010 23:36 編輯
打左好大段野...有興趣睇既人辛苦你地啦
7月14日
兩年多的情緣難道就此完結?
因為會考..我同佢分開左
分開既原因..係因為我想專心溫書..全心全意會考
分開頭果幾日我都好心痛...見到佢搵我...我要扮冷淡回應佢
我見到佢比我既反應好可憐
好想好想同佢講...但係為左佢為左我自己
我要佢傾過佢都應承我
要一齊比心機努力考好個會考
只好壓制呢種情緒
之後既日子..我總算放低左佢
得閒會傾一兩句
當時我仲唔知道佢對我既重要性
唯一見到佢既機會就係補習
我好記得...我地每時去補習對總會買一份格仔餅兩分食
我地就係靠呢一份格仔餅維持住感情
呢段日子我見到佢既傷心..佢既痛
佢打左幾篇有pw既日記比我
佢話佢會等我..永遠唔會變心
我唔想再同佢一齊住...因為我怕會對佢冷淡
我認為自己仲未適合同佢拍拖
我驚我會令你再傷心
於是再決定再過多一排先
直至我睇返佢比我既bb相...生日相
無意中搵返起佢之前比我既情信
你話就算我返幾日大陸..你都會喊得好辛苦
你話你以後要同我成家立室..生bb
睇返我同佢之前既甜蜜sms
睇左好耐好耐
回憶返我同佢既日子
於是我就決定約佢出黎陪我睇戲
順便講清楚我同你既關係
但係始終我無勇氣...明明愛佢但我就係口入面講唔出面
之後果幾日我成日搵佢
約佢出黎見面
最後..係sms到 sd msg比佢
想同佢表白
但係估唔到..佢同我講佢已經有左第二個..仲要係一個星期之內既事
我既眼淚不禁自動流出黎
因為我發覺我好愛佢
我果一刻接受唔到佢已經唔愛我...已經有第二個
而果個男仔仲要係係一年前我同佢仲一齊果陣曾經介入過
我好心痛...我唔想失去佢
不斷挽留佢...無奈佢同我講
我已經放低左你..暫時唔想
如果有緣份..將來會係埋一齊
我恨我自己...點解當你愛我果陣我唔識珍惜你
我要忽略你...我要冷落你
點解我唔早d同你講..我好後悔
兩年幾既回憶不斷係我腦海入面出現
沖涼既時候跪係個浴室到喊足半粒鐘
今日我又再次返到佢我同你第一次拖手既山丘
就算係3x度都好...行到流哂汗都好0
我都要再上去一次...因為果到有我地好重要既回憶
望住"雞胸山"呢塊排
草叢入面既紙巾袋..一幅幅既回憶湧到腦入面
再行過我同你一齊行過既王屋花園..單車徑..公園
什至比人話都好...上去你之後舊屋既平台...回憶一下
每行一段路我都影相...我想係我訓教前都望下d相
回憶一下情境
你記第我第一次拖你手的情境嗎?
那是在我們下山的時候...我終於鼓起勇氣
你記得你跳舞比賽過後你要遲返家
我陪伴你的那個千秋公園嗎?
B..我真係真係好愛你
我第一次用心去愛人..而果個人就係你
係我失去感覺既時間
我只想慢慢培養返感情
但係我都明白一切一切都係我既錯
我唔應該要傷心既你去等我
我真的懂...你不是喜新厭舊
是我沒有陪在你身邊當你寂寞時候
你話你要我放低你...但係我暫時唔可以
因為我好辛苦搵返我對你既感覺
當我想去愛你既時候...你要離開我
係咪我令你受傷...你依家要償還比我?
係日記入面...你話過會等我直至我返返黎
但係點解當我返黎果陣..你要背住我...慢慢走遠
一切
只好怨我自己...令你傷心
只好怨我自己...令你心痛
只好怨我自己太自私..令你受傷
我會等你
我就似一個港口一樣...等待你呢架小船停泊係我身邊
帶住呢份緣份等你..帶住一切回憶去等你
我哭了...但你不在我身邊呵護我
我只想聽你告訴我你還愛我
我只想你能夠再愛我
最後我只想講一句
對不起....我愛你♥
我比任何人都更愛你
如果可以再比多次幾會我..我一定唔會再放手
我很想很想你能看見...但我怕你會反感
由這一分鐘...我開始討厭時間
7月20
今日重新執過你送比我既野
將所有你送比我既野好好地擺係床頭櫃
無意間拎起我同你係冒險樂園所中既winnie the pooh
我記得我地突登簡隻有一pair既黎玩
最後都比我地中左..仲每人一隻..話過"你要好好照顧呢隻poohpooh"
我做到啦=] 佢一直都陪係我既床邊
不過唔知你果隻仲係唔係到呢?
可能你呢隻pooh已經唔再可愛唔再重要啦
什至可能唔知擺左佢係邊
不過點都好...我都會好好保存好佢^^
7月23日
今日無意中聽返一首歌
我記得同你去唱k果陣我次次唱歌入面既一句
你都會扁住咀望住我
但係可能呢一句已經成為你同我既心聲
張敬軒 - 遙吻
慢慢 雪落有聲
情境 就似這段情
冷卻得結冰
漸漸 ?步放輕
驟聽 彷似你念及餘情
但願 我沒眼睛
無須 面對這道牆
有你的背影
但願 我沒法醒
令我 不覺你道別 沒震驚
明知得到你都要知道怎放下你
明知天空有很多班客機
令我不得不放棄
如果有限期 可否拖得到我會飛
容我 俯瞰你 遙吻比怨你可悲
如果有限期 可以拋低你
我會一生也學習 忘記你＊
事實 你定要走
回家 是你的自由
我只得放手
異地 雪在顫抖
大概 只有極地 是永久
何需怕距離 千里都可以吻你
7月25
今日又再搵返你寫比我既信
回憶返你之前甜蜜既往事
諗返你仍愛我既日子
雖然曾經好快樂
但係過去既快樂如今已經成為我眼中既一滴眼淚
入面好多好多諾言..如今已經落空
可能你sd比我既一句歌詞講得好岩
"誰人又相信一世一生這膚淺對白"
或者諾言只係一時意氣用事而講出黎既大話
亦都令我知道只有時間先可以證明一切
7月29日
呢兩日我嘗試過搵D朋友出下街
希望可以散下心
當然同佢地玩果陣可以拋開
但係當一靜落黎
行返曾經同你行既路
勾起我一段段既回憶都不禁係到嘆息
多謝朋友既慰問...但我只好苦笑咁回答佢地"無事"
時間過得真係快
當日你待我既好..如今仍然瀝瀝在目
好似琴日發生既事咁
當日緊緊相扣既手...如今已經分開得好遠好遠
什至可能已經比他人緊握緊
我捉到既只係你往日留低既氣味
請你不要忘記我
過往的事你仍然有一點點的記憶就可以了
8月3日
在茫茫人海中...竟讓我再碰見你
但你旁邊的不是我
8月8日
終於到了放榜的日子
我很害怕...更害怕會看見你
終於到派發成績的時間
我終於成功原校升讀中六
極之興奮
但是我突然生起了一個念頭
"我當日的抉擇是對還是錯?"
|
|
發表於 14-7-2009 23:39:17
收藏
轉播
分享
淘帖
支持
反對
變色卡
樓主