遠古玩家分享依幾年玩天龍既一點一滴

wind_xo

見唔少版主都有講下自己玩天龍既經歷， 成日做CDROM既我都想寫下依幾年黎玩天龍既一點一滴，希望唔會悶親大家 :

天龍開服既那一年， 啱啱係我讀大學既第一年，果時一班同學話玩，我就跟左一齊黎。由於之前讀都係讀佛教學校，對佛教情有獨鐘，亦都無研究過邊個門派好玩，所以就捒左果時仲係好多人玩， 依家差唔多絕種既少林，做左佛門女弟子。

果陣時，每日既刷棋都係我最鐘意既活動。6個人，齊齊走入去打棋，唔淮開技唔准出怒一定跟顏色打棋，萬一唔好彩出棋魂.遠攻既要拉過黎逐隻打，真係樣樣做齊。雖然大家攻唔高，但係玩得好開心。

果陣時，仲係得舊3。果時d人係打111/222， 雖然係少但打都要成個鐘架，所以好多時只係打第1環d人就走晒 (搞到我隻人仔到依家仲有1x 個令 )。

果陣時，我覺得要做到神器根本係個夢，所以打舊3都係隨便有組就入，都無留意係打咩符，而且雙完又好難出，所以隻人仔一直都無神器 (之後先知洗雙完原來唔難....)。

因為讀書無咩錢，又覺得打機啫洗咩錢啊，所以一直都無入過點上石，用既都係野外/做任打返黎既垃圾裝。

還記得有次做任得到一把藍色既大刀， 個刀頭好大， 刷棋時俾人讚好型， 個刻真係幾開心， 無諗到拎到住普通武器都會有人讚

玩左個幾月，刷棋做任好唔容易上到60級，開始想搵其他野玩，就唔知係邊度搵左個掛返黎，入左個無咩人既幫開始跑商。

果時個幫係梅嶺，條線跑去瓊洲。好彩我係少林叫有d 血頂下，跑依條路都唔叫好難，係耐d啫。跑完一轉有幾金已經好開心(果時覺得百幾金已經係天文數字，都唔明點解d 人可以有咁多錢)

唔記得跑左幾耐，因為身邊既同學都轉玩其他game，我就跟住佢地走左，咁就完左第一期既天龍生涯。

(附註:因為實在太耐，我已經唔係好有記憶，所以寫得唔係好詳細)

*************我係分隔線*************

(附註2: 如果有人睇會繼續POST之後幾期 )

呀楊

我時代刷棋係唔准用恕、唔比出技、集中跟隊長打、有棋魂就真係一隻一隻咁拉~
另外當時我都覺神器係唔屬於我
同埋都係用埋啲廢裝

∼香Ｂ∼

好有共鳴啊！！
以前升lv 係刷棋刷反。。
草料場 水晶湖 鹽坑 先王墳。。新手可能聽都未聽過。
但呢d地方都係我地以前組隊升lv的地方

wind_xo

回復 2# 呀楊

我都係，果時打錯棋係會俾人圍

另多謝版主將我篇文SET做精品文

呀楊

回復  呀楊

我都係，果時打錯棋係會俾人圍

另多謝版主將我篇文SET做精品文 ...
wind_xo 發表於 28-3-2013 09:15 PM

   我唔係天龍版主...
   我係依到係遊客黎...
   

wind_xo

回復 5# 呀楊

更正: 多謝囧大俠將我篇文SET 做精品文

呀楊

回復  呀楊

我都係，果時打錯棋係會俾人圍

另多謝版主將我篇文SET做精品文 ...
wind_xo 發表於 28-3-2013 09:15 PM

   刷棋打左錯有時會比人踢
   跟住狂add隊長
   

wind_xo

似乎大家唔怕悶，咁等我POST第2期先

大概係讀大學既第二年，我重考jupas轉左入其他科，由一個高級文憑學生正式轉為一個大學本科生。果時真係好開心，搞完晒d 手續後心情大好，見已經無咩做心裏面玩天龍的想法又蠢蠢欲動。果時d 同學已經無再玩，得返我一個返黎 。

果陣時，開始覺得少林既攻實在太低 (主要係因為我無上石 =.=!)，又覺得近攻難玩，於是就開左隻逍遙黎玩下。

點解捒逍遙? 遠攻裏面我唔想做ec (自問無使命感救人)，武當雖然高攻但血太低，唔鐘意星宿用毒，天龍唔敢諗因為內外兼修覺得好難，加上果時以為逍遙有得自救 (唔知邊度睇返黎， 入到去先知唔係， omg!)，所以就捒左逍遙黎玩。

有左之前既少少經驗，知道錢係天龍依個世界真係好重要 (其實邊度都係 )，又聽網上d 人講商人位好多人爭，所以我隻逍遙就想入個唔係太多人又有得跑商既幫 (唔想入之前個幫已經唔想俾人知我有2隻人仔XDDD)。

好唔容易，係洛陽個幫會list 度搵到個幫。唔知點解我搵親d 幫都係好遠，今次依個幫就係南紹，條商線又係好遠， 要成半個鐘先跑晒。

雖然係咁，但因為果時負責收我果個高層話個商位可以永久俾我，我諗過度過"唔洗同人爭"依個point 實在太吸引，所以咁就入左去。

入到去，個幫比想像中人少，個頻成日都好冷清。不過咁都幾好啊，唔洗擔心有人會嘈交(我本人好怕嘈交 =.=!)

d 高層基本都過百級，果時佢地d 對話我好多都聽唔明， 咩4絕小飄大飄刷燕我完全都唔知係d咩，簡直好似係2個世界既人咁。不過佢地好好人，雖然我得4x級，同唔到佢地刷任，但佢地都好肯教我野，亦至少唔會睇唔起我低lv。

(附註:我之所以做左火逍都係因為當年佢地既一句話)

可能係之前既升級經歷實在太恐怖，我決定要好好享受一下依隻game (而唔係俾隻game玩)，而做神器就係我第一個想完既任。

果時一把40級雙完好貴架(雖然依家都唔平). 又唔係好多人放， 我又唔知係邊度搵左個掛返黎可以自動打怪，於是去左掛黃龍洞。

每打到5-10把4x武器， 我就會去鑑一下，睇下出唔出到雙完美， 好多時都係差少少，真係鑑到有少少想放棄。跟住唔記得鑑左第n把(應該都幾十把)就黎放棄既時候， 我終於出到第1把雙完美， 可以做神器任啦!!!

果下我先知， 原來要鑑出雙完， 條件之一係n把一齊鑑， 鑑到咁上下個系統總會出到把俾你， 所以有時玩依隻game 真係又講運又講努力!!!

出到雙完後梗係要刷符啦， 果時d一符已經唔係好多人打， 就算有都係111/222咁打， 又唔一定次次出符.

d高層見我咁就叫我去刷幫副， 果時我先知除左3環外原來仲有其他任會出符 =.=!

幫副又係一個好難打既任， 基本又係要6個人齊齊打， 一係清晒d細怪or一係直踩去打王

4x級d 坐騎係好慢， 個隊長拉隊入去， 到終點時基本都跌左3分1到2分1既血. TOUCHWOOD 打王時死左要返黎根本係無可能， 所以果時幫副同3環一樣要組齊人先會入.

無記錯我係49級先儲到5個符做第1把神器， d 符好似都打左1個月.

果時我唔知係邊度睇， 以為逍遙係用環， 結果好唔容易儲到既符同第1把雙完就咁做左天山果把環。

把環真係好靚， 我亦都係果下先知原來神器無石都會發光，不過亦都係做好果下見到個屬性先知衰左， 諗返真係好想吐血， 點解自己會咁死蠢架。

我有諗過重做， 但果時我已經49級， 1符亦都唔係易組人， 所以唯有安慰自己，依把環可以拉一下外攻......

開始用神器啦， 慢慢發現其實神器都不外如是， 不過係屬性好d， 而最大一樣我唔滿意既地方就係， 佢好容易壞!!!!

d耐久度比一般武器快跌， 咁即係話如果要用神器就要不停刷符!!!依隻game真係識逼人!!!

就係咁樣， 我係依個幫度不停跑商， 得閒走去掛下黃龍洞， 慢慢由4x 級升到6x 級.

幫主同高層們有提出過帶我去地2升(因為我係全幫最低lv果個)， 不過因為屋企關係我唔可以開通宵，所以我跟佢地去左2次就無再去。

到左6x級， 又係做神器既時間。3符要既符更多， 但刷既人更少， 試過有1次， 係城頻度招左一個上午都唔齊人黎刷， 果把神真係做左好耐， 主要係靠幫副同踢波先儲齊15個符， 我都好懷疑自己係點樣儲齊d 符。
果把神，亦都係我第1把做啱既神， 逍用既萬壑松風扇。

做完神器， 見到人地有隻好勁既7技寵， 自己又開始想要一隻。

我自己幾鐘意老虎， 不過用耐左都想玩下其他， 65級既寵唔係好多， 幫主有叫過我等到85級用狐仙， 但我果下唔知點解唔想等， 佢地就送左條65級既龍俾我， 順手教我點上7技。

果時我已經2隻人仔都入左去跑商， 有時又去下挖圖掛下打孔同40雙完 (自從第1把神後我再刷左幾把雙完，賣出去都幾好賺架，我第1隻65坐騎就係咁樣買返黎，XDDDD)， 儲儲下都有成千幾金， 就膽粗粗拎左差唔多1半黎整寵。

果條係1條65級既精明龍，卓越， 資大概千5，6。之前一直都有聽人講精明寵點好用， 但自己一直未有機會試下， 就係果時， 我用跑返黎既錢整左佢出黎， 成為我第1隻7技寵 (依家我仲保留住佢)

(附註: 點解我唔拎d 金去換寶? 因為果時我都唔係太識， 又唔係成日問到d 高層， 我又唔係好相信game 度d 人， 所以一直都無咁做)

無幾耐， 差唔多係天龍2就出既時候， 幫裏面漸漸起左d 漣漪。

幫主(一個10x級既武當)， 同另一個又係10x級既高層，爭副幫 (一個10x級既峨嵋)。

果時佢地既對話雖未至於粗口滿天飛， 但比起平日既寧靜已經多好多火花。

對於佢地幾個人既爭奪.作為小小幫眾既我其實無咩資格去評論。

不過可能因為幫主同我接觸d多d， 所以我個人都係想佢爭贏 (當然最後事與願違)。

可能幫主知道勉強無幸福， 就打算走人唔玩隻game。佢走之前提議過介紹我去其他幫度跑商，但我拒絕左， 因為果時我諗住天龍2一出我就轉會，但無諗到原來所謂既天龍2不過係d 場景轉左dd 咁多......

結果， 無等到佢摺埋個幫， 我再1次走人。詳細原因忘記左， 大概都係想搵下其他game 黎玩下，而且功課又開始忙啦， 無時間日日上黎，所以就咁離開左。

以上係我既第2期天龍生涯。

************我係分隔線***********

(好似長得濟 )

∼香Ｂ∼

八卦問下樓主。。你咩ser架

wind_xo

回復 9# ∼香Ｂ∼

Sorry 唔講得住因為仲有玩緊，講左好易俾人估到係邊個
(附註: 依家刷緊燕)